The news is by your side.

لاہور میں ساتھ جانے سے انکار پر خواجہ سرا پر فائرنگ

لاہور: صوبہ پنجاب کے دارالحکومت لاہور میں نامعلوم شخص نے خواجہ سرا کو ساتھ جانے سے انکار پر فائرنگ کر کے زخمی کردیا، ملزم کے خلاف مقدمہ درج کرلیا گیا۔

تفصیلات کے مطابق لاہور کے علاقے فیصل ٹاؤن میں نامعلوم شخص کی فائرنگ سے خواجہ سرا زخمی ہوگیا۔

پولیس کا کہنا ہے کہ ملزم، خواجہ سرا روزی کو ساتھ لے کر جانا چاہتا تھا، لیکن روزی کے انکار پر اس نے فائرنگ کردی۔

پولیس کے مطابق روزی کو اسپتال منتقل کردیا گیا ہے اور اس کی حالت خطرے سے باہر ہے، فائرنگ کرنے والے شخص کے خلاف مقدمہ درج کرلیا گیا ہے اور اس کی تلاش جاری ہے۔

خیال رہے کہ اس سے قبل لاہور میں ایک خواجہ سرا پر تیزاب بھی پھینکا گیا تھا، پولیس نے تیزاب پھینکنے والے ملزم حمزہ سلیم کو گرفتار کرلیا تھا۔

Comments

یہ بھی پڑھیں