ماسکو: یوکرین سے جنگ لڑنے کی غرض سے ٹریننگ کے لیے آنے والے 2 افراد نے 11 روسی فوجیوں کا مار دیا۔
غیر ملکی میڈیا کے مطابق یوکرینی سرحد پر قائم روسی فائرنگ رینج میں 11 فوجی ہلاک اور 25 زخمی ہو گئے ہیں، روسی وزارتِ دفاع نے واقعے کو دہشت گردی قرار دے دیا۔
خبر رساں ایجنسی کے مطابق رضاکار دستوں کو یوکرین کے خلاف جنگ کی ٹریننگ دی جا رہی تھی، 2 حملہ آور بھی یوکرین کے خلاف جنگ میں حصہ لینے کے لیے آئے تھے۔
رپورٹس کے مطابق حملہ آوروں نے چھوٹے ہتھیاروں سے اپنے ساتھیوں پر فائرنگ کر دی، جس سے گیارہ فوجی ہلاک ہو گئے اور دو درجن سے زائد شدید زخمی ہو گئے ہیں، جوابی کارروائی میں حملہ آور بھی مارے گئے۔
واقعے کو دہشت گردی قرار دیتے ہوئے روسی وزارتِ دفاع کا کہنا ہے کہ ٹریننگ بَیس میں آنے والے رضا کاروں کو تربیت دی جاتی تھی۔
ماسکو کی وزارت دفاع کے مطابق یہ واقعہ جنوب مغربی روس میں بیلگورود کے علاقے میں پیش آیا جس کی سرحد یوکرین سے ملتی ہے، حملہ آور نامعلوم سابق سوویت ملک سے تعلق رکھتے تھے، جنھوں نے ٹارگٹ پریکٹس کے دوران دوسرے فوجیوں پر فائرنگ کی۔
