کیرالہ : مصنوعی ذہانت کی حامل بھارت کی پہلی اے آئی اسکول ٹیچر نے کلاس روم میں انٹری دے دی، ویڈیو سوشل میڈیا پر وائرل ہوگئی۔
تفصیلات کے مطابق بھارت کے شہر کیرالہ کے اسکول میں پہلی اے آئی ٹیچر کو متعارف کرادیا گیا ہے، ایرس نامی اے آئی ٹیچر نے بچوں کے سوالات کے جوابات دیئے۔
بھارتی خبرساں ادارے کی رپورٹ کے مطابق ریاست کیرالہ کے دارالحکومت تھروانت پورم اسکول نے مصنوعی ذہانت کی مدد سے تخلیق کردہ ’آئرس‘ نامی ٹیچر کو متعارف کروا کر نئی تاریخ رقم کردی ہے۔
متعارف کرائی گئی پہلی جنریٹیو اے آئی ٹیچر ’آئرس‘ بھارت کی پہلی ہیومنائیڈ روبوٹ ٹیچر ہے اور اسے مشہور ٹیک کمپنی کے تعاون سے تیار کیا گیا ہے۔
View this post on Instagram
،بھارتی میڈیا کا دعویٰ ہے کہ یہ انٹیل پروسیسر سے لیس ٹیچر تعلیمی شعبے میں انقلاب لانے کے لیے تیار کی گئی ہے۔
ربورٹ ٹیچر تیار کرنے والی کمپنی میکر لیبز نے انسٹاگرام پر آئرس کی ایک ویڈیو بھی شیئر کی ہے جس میں وہ بچوں کے ساتھ کلاس روم میں موجود ہے، ویڈیو میں آئرس کو بچوں کے ساتھ کلاس روم میں ملتے ہوئے دکھایا گیا ہے۔
کمپنی کے مطابق یہ روبوٹ ٹیچر تین زبانیں بول سکتی ہے اور طلبا کے مشکل سوالات کے جواب بھی باآسانی دے سکتی ہے۔
