The news is by your side.

Advertisement

کرتار پور راہداری کی پہلی سالگرہ شایان شان انداز میں منائی جائے گی

شکرگڑھ : کرتار پور راہداری کی پہلی سالگرہ شایان شان انداز میں منائی جائے گی،7 اور 9 نومبر کو باباگورونانک کی حیاتی پرسیمینار ، دیگر تقاریب ہوں گی۔

تفصیلات کے مطابق کرتارپور راہداری کی پہلی سالگرہ کے موقع پر سیکریٹری جنرل پاکستان سکھ گورودوارہ پر بندھک کمیٹی سردار امیر سنگھ نے پیغام میں کہا کرتار پور راہداری کی پہلی سالگرہ شایان شان اندازسےمنائیں گے، حکومت پاکستان کی جانب سے بھارت و عالمی سکھ برادری کو دعوت دیتاہوں، 7 اور 9 نومبر کو باباگورونانک کی حیاتی پرسیمینار ،دیگر تقاریب ہوں گی۔

یاد رہے کہ گزشتہ سال 9 نومبر کو وزیراعظم عمران خان نے کرتارپورراہداری کا افتتاح کیا تھا، اس موقع پر ان کاکہنا تھا کہ راہداری کھولنے کی مجھے بہت خوشی ہوئی، امید ہے یہ شروعات ہے، انشااللہ بھارت سے تعلقات اچھے ہوں گے ، کشمیریوں کو حقوق مل جائیں گے تو برصغیر میں بھی خوشحالی آئے گی۔

بین الاقوامی میڈیا نے کرتارپور راہداری کھلنے پر بھرپور کوریج دی، جرمن ادارے نے لکھا تھا کہ پاکستان اور بھارت کے درمیان سرحد پر نئے اوپن پوائنٹ کا افتتاح ہوگیا، جس سے بھارتی سکھ بغیر ویزا کے پاکستان میں موجود اپنے مذہبی مقامات کی زیارت کرسکیں گے۔

برطانوی نشریاتی ادارے نے لکھا تھا کہ سکھوں کے ایک اہم مقدس مقام کو جانے والا راستہ بالآخر کھل گیا ہے، سکھوں کی اس دیرینہ خواہش کو پورا کرنے کے لیے دونوں ملکوں کے درمیان اکتوبرمیں معاہدہ ہوا تھا۔

روسی نیوز ایجنسی کا کہنا تھا کہ پہلی بار پاکستان میں موجود مقامات کی زیارت کا راستہ کھلنے پر سکھ برادری خوشی سے نہال ہے۔ الجزیرہ نے لکھا کہ بھارتی سکھوں نے پاکستان کی جانب سفر شروع کردیا ہے جو دونوں ملکوں کے درمیان ایک تاریخی معاہدے کے تحت شروع ہوا ہے۔

Comments

یہ بھی پڑھیں