The news is by your side.

ایمی ایوارڈز 2022: پہلی بار بہترین اداکاری کا ایوارڈ ایشیائی اداکار کے نام

دنیا بھر میں مقبولیت کے ریکارڈز قائم کرنے والے ڈرامے اسکوئیڈ گیمز کے اداکار نے بہترین اداکاری کا ایمی ایوارڈ اپنے نام کرلیا، بہترین ڈرامہ سکسیشن کو قرار دیا گیا۔

لاس اینجلس میں سجنے والے ایمی ایوارڈز کے میلے میں ایچ بی او کے سکسیشن نے بہترین ڈرامے کا ایوارڈ اپنے نام کرلیا جبکہ اسکوئیڈ گیمز نے بھی اس وقت تاریخ رقم کر دی جب اس کے اداکار لی جنگ جے کو بہترین ایکٹر کا ایوارڈ ملا۔

کورین اداکار ایمی ایوارڈ حاصل کرنے والے پہلے ایشیائی اداکار بن گئے ہیں۔

74 ویں ایمی ایوارڈز کی تقریب میں ٹیڈ لاسو کو بہترین کامیڈی جبکہ دا وائٹ لوٹس کو بہترین لمیٹڈ سیریز قرار دیا گیا۔

ایمی ایوارڈز کی دیگر کیٹگریز میں اسکوئیڈ گیمز کے لی جنگ جے کو لیڈ ایکٹر جبکہ یوفوریا کی اداکارہ زیندایا کو لیڈ ایکٹریس کا ایوارڈ دیا گیا۔

کامیڈی میں ٹیڈ لاسو کے اداکار جیس سودیکیز کو لیڈ ایکٹر جبکہ ہاکس کی اداکارہ جین سمارٹ کو بہترین لیڈ ایکٹریس کا ایوارڈ ملا ہے۔

بہترین سپورٹنگ ایکٹر کی کیٹگری میں ڈراما سیریز سکسیشن کے میتھیو میکفادین، اوزارک کی جولیا گارنر، ٹیڈ لاسو کے بریڈ گولڈ سٹین اور ایبٹ ایلیمنٹری کی اداکارہ شرل لی رالف کو ایوارڈز سے نوازا گیا۔

آؤٹ اسٹینڈنگ لمیٹڈ سیریز کی کیٹگری میں فتح کا سہرا دا وائٹ لوٹس کے سر سجا جبکہ اس کیٹگری میں مائیکل کیٹن نے بہترین اداکار اور اماندہ سیفرائیڈ نے بہترین اداکارہ کا ایوارڈ اپنے نام کیا۔

لمیٹڈ سیریز کی کٹیگری میں بہترین سپورٹنگ ایکٹر کا ایوارڈ دا وائٹ لوٹس کی مورے برٹلیٹ اور جنیفر کولیج کو ملا۔

Comments

یہ بھی پڑھیں