دبئی : شاہی خاندان سے تعلق رکھنے والی پہلی خاتون پائلٹ نے اپنی پہلی پرواز کا آغاز ایک مسافر بردار طیارے ای-کے 903 کی اڑان بھر کے کیا۔

تفصیلات کے مطابق دبئی کے شاہی خاندان سے تعلق رکھنے والی پہلی خاتون پائلٹ نے اپنی زندگی کی پہلی تجارتی پرواز ای کے 903 کی اڑان بھر کر اپنے خوابوں کو پورا کیا اس موقع پر وہ بہت مسرور اور پُر اعتماد نظر آرہی تھیں۔

Ek903 . First pax flight . 25 Feb .

A post shared by mozahmm (@mozahmm) on Mar 8, 2017 at 5:44am PST

مسافر بردار طیارے ای کے 903 کی پرواز میں بہ طور شریک پائلٹ شیخ معوزہ المکتوم نے اپنی زندگی کے ان یاد گار لمحات کو کیمرے میں محفوظ کر کے انسٹا گرام پر شیئر کردیا جسے لوگوں کی کافی تعداد نے سراہا اور بھر پور حوصلہ افزائی بھی کی۔

كم هو شعور فائق بالفخر والسعاده لرؤية ابنتي بزيها حاملا شعار الخدمه المدنيه لكل فئات هذا الوطن ، وافداً كان أم مواطناً ، عاجزاً كان أم قادراً ، أسعدتني فطرتها المتناهيه بالعطاء ورد الجميل للوطن وللإنسانيه عموما بكل أشكالها .

A post shared by ام مكتومMaitha Maktoum (@maitha_m_rashid) on Feb 26, 2017 at 12:58am PST

تصاویر کی منظرِ عام پر آنے پر المکتوم خاندان کی خواتین نے سوشل میڈیا پر شاہی خاندان کی پہلی پائلٹ معوزہ المکتوم کو مبارک باد دی اور ان کی صلاحیتوں کو خاندان کے لیے قابل فخر قرار دیا۔

واضح رہے معوزہ المکتوم نے فروری میں تربیت مکمل کی تھی جس پر عوام نے بڑی مسرت کا اظہار کیا تھا اور آج پہلی تجارتی پرواز پر بہ طور شریک پائلٹ خدمات انجام دینے پر بھی نہ صرف شاہی خاندان کے افراد کے ساتھ ساتھ عوام الناس نے بھی خوشی کا اظہار کیا ہے۔

یاد رہے متحدہ عرب امارات کی پہلی خاتون پائلٹ کا اعزاز مريم المنصوري کے پاس ہے جنہوں نے 2007 میں متحدہ عرب امارات ایئر فورس میں بہ طور پائلٹ شمولیت حاصل کی تھی اور ایف 16 طیاروں سے شام کے علاقے میں دہشت گردوں کی کمین گاہوں پر بمباری کرنے والے دستے کا بھی حصہ تھیں۔