The news is by your side.

قطری حکومت نے بھی پاکستان کے سیلاب متاثرین کیلئے امدادی سامان بھیجنا شروع کردیا

کراچی : قطر سے پہلا خصوصی طیارہ سیلاب متاثرین کیلئے امدادی سامان لیکر پاکستان پہنچ گیا، سامان میں خیمے، کمبل، کھانے پینے کی اشیا شامل ہیں۔

تفصیلات کے مطابق قطر کی حکومت نے  بھی پاکستان کے سیلاب متاثرین کیلئے امدادی سامان بھیجنا شروع کردیا۔

قطر سے پہلا خصوصی طیارہ سیلاب متاثرین کیلئے امدادی سامان لیکر کراچی ایئر پورٹ پہنچ گیا ہے۔

سامان میں خیمے، کمبل، کھانے پینے کی اشیا پاکستان کو سیلاب متاثرہ افراد کے لیے بھیجی گئیں۔

قطر کے قونصلیٹ جنرل نے امدادی سامان صوبائی وزیر سعید غنی کے حوالے کیا ، ایئرپورٹ پر سی اے اے،وزارت خارجہ،این ڈی ایم اے،پی ڈی ایم اے حکام موجود تھے۔

ترجمان سی اے کا کہنا تھا کہ اے ایس ایف نے قطری حکام کیلئے ایئرپورٹ پر سیکیورٹی کے خصوصی انتظامات کئے۔

Comments

یہ بھی پڑھیں