مچھلی سردیوں کے موسم کی خاص سوغات ہے جو مختلف طریقوں سے کھائی جاتی ہے، آج ہم آپ کو مچھلی کی بریانی بنانے کی ترکیب بتا رہے ہیں۔

اجزا

چاول: آدھا کلو

رہو مچھلی کے ٹکڑے: آدھا کلو

ادرک لہسن کا پیسٹ: 2 کھانے کے چمچ

سرخ پسی ہوئی مرچ: 2 چائے کے چمچ

زیرہ: 2 چائے کے چمچ

ہلدی: 1 چائے کا چمچ

نمک: حسب ذائقہ

گرم مصالحہ: 1 چائے کا چمچ

دہی: ایک کپ

پیاز باریک کاٹ لیں: 2 عدد

اجوائن: آدھا چمچ

لیموں: 3 عدد

ہری مرچ: 2 عدد

سبز دھنیہ: آدھی گڈی

ترکیب

تمام چیزوں کو اچھی طرح ملا کر ان کا پیسٹ بنالیں، پھر اس میں لیموں شامل کر کے خوب اچھی طرح مچھلی کے ٹکڑوں پر لگا کر رکھ دیں۔

اب ان ٹکڑوں کو مصالحے کے باقی پیسٹ کے ساتھ تیل میں ڈال کر تل لیں۔

باسمتی چاول کو کچھ دیر تک پانی میں بھگو کر رکھیں اور پھر ابال لیں۔

ایک دیگچی میں چاول اور مچھلی کو تہ در تہ لگائیں اور 15 منٹ کے لیے دم پر رکھ دیں۔

مزیدار مچھلی بریانی تیار ہے، ہری مرچ اور دھنیہ ڈال لیں اور پودینے کی چٹنی اور سلاد کے ساتھ پیش کریں۔