The news is by your side.

Advertisement

زندہ مچھلی پانی سے اچھل کر نوجوان کے حلق میں پھنس گئی

تھائی لینڈ میں ایک نوجوان اس وقت مشکل میں پڑ گیا جب ایک مچھلی پانی سے اچھل کر اس کے حلق میں پھنس گئی، ڈاکٹرز کو سرجری کر کے نوجوان کی جان بچانی پڑی۔

بین الاقوامی ویب سائٹ کے مطابق تھائی لینڈ میں ایک مچھلی پانی سے اچھل کر ایک نوجوان کے حلق میں جا کر پھنس گئی، تاہم کامیاب سرجری کے بعد اسے نکال لیا گیا۔

مذکورہ نوجوان دریا میں اسپیئر فشنگ میں مصروف تھا، جیسے ہی وہ سانس لینے کے لیے پانی سے باہر آیا عین اسی وقت چھوٹی مچھلی ایناباس اچھل کر اس کے منہ میں چلی گئی اور اس کے حلق میں پھنس گئی۔

دم گھٹنے سے اس کی جان جانے کا خطرہ پیدا ہوا تو اسے طبی امداد کے لیے فوری طور پر اسپتال لے جایا گیا، جہاں کامیاب سرجری کے بعد مچھلی کو نکال لیا گیا۔

Comments

یہ بھی پڑھیں