الہ آباد: چونیاں میں کنگن پور کے ماہی گیر نے دریائے ستلج سے 6 فٹ لمبی اور 110 کلو وزنی مچھلی پکڑ لی۔
تفصیلات کے مطابق کنگن پور کے ماہی گیر پر قدرت مہربان ہوگئی ، ماہی گیر نے دریائے ستلج سے 6 فٹ لمبی اور 110 کلو وزنی مچھلی پکڑ لی اور مچھلی کو فروخت کرنے کے لیے لاہور روانہ ہوگیا۔
ماہی گیر کا کہنا تھا کہ اس سے پہلے آج تک اتنے وزن کی مچھلی نہیں پکڑی، پہلی بار دریائے ستلج میں اتنی لمبی اور وزنی مچھلی پکڑی گئی ہے۔
یاد رہے چند ہفتے قبل کراچی میں ابراھیم حیدری کے ماہی گیروں کے جال میں کروڑوں روپے مالیت کی نایاب مچھلیاں پھنس گئیں تھیں۔
کراچی فش ہاربر پر نایاب مچھلیوں ’’سُوا‘‘ کی اس کھیپ کا سودا 70 کروڑ روپے میں طے ہوا،بنیادی طور پر اس مچھلی کو ’کروکر‘ اور ’شیڈ فش‘ بھی کہا جاتا ہے۔ مارکیٹ میں اس کی قیمت 4ہزار روپے فی کلو ہے۔
