عالمی ریٹنگ ایجنسی فچ نے کہا ہے کہ آئی ایم ایف سے قرض کے بعد پاکستان کی ریٹنگ بہتر ہوئی ہے۔
معاشی درجہ بندی کے ادارے فچ نے ایشیائی معیشت سے متعلق رپورٹ جاری کی ہے جس میں کہا گیا ہے کہ بہت سے ایشیائی ممالک میں 2024 الیکشن کا سال ہے، الیکشن کی وجہ کئی ایشیائی ممالک غیر یقینی صورتحال سے دو چار ہیں۔
فچ کی رپورٹ کے مطابق پاکستان، بھارت، انڈونیشیا، کوریا، سری لنکا میں الیکشن ہونا باقی ہیں، الیکشن کے سال میں اصلاحات عمل سست روی کا شکار ہوتا ہے، جس کی وجہ سے ممالک کیلئے قرضوں کا حصول مشکل ہوتا ہے۔
رپورٹ کے مطابق امید ہے الیکشن کے بعد نئی حکومتیں بہتر معاشی پالیسیز لائیں گی، امید ہے سری لنکا آئی ایم ایف سے مزید معاشی تقویت حاصل کرے گا۔
فچ نے رپورٹ میں کہا کہ پاکستان کی معیشت میں آئی ایم ایف کی وجہ سے استحکام آیا ہے، آئی ایم ایف سے قرض کے بعد پاکستان کی ریٹنگ بہتر ہوئی۔
رپورٹ میں مزید کہا گیا کہ پاکستان، سری لنکا کو چند سال تک آئی ایم ایف پروگرام کی ضرورت ہوگی، آئی ایم ایف پروگرام میں رہنے سے پاکستان کی ریٹنگ مزید بہتر ہوسکتی ہے۔
