کراچی: پولیس نے نادرن بائی پاس پر ڈکیتی کی وارداتوں میں ملوث ملزمان گینگ کو سرغنہ سمیت گرفتار کرلیا۔
ترجمان ضلع ویسٹ پولیس کے مطابق خفیہ اطلاع پر نادرن بائی پاس پر کارروائی کرکے 5 رکنی ڈکیت گینگ کو سرغنہ سمیت گرفتار کیا۔
پولیس ترجمان کا کہنا ہے کہ ملزمان کے قبضے سے 02 پسٹلز بمعہ ایمونیشن اور زیراستعمال 02 موٹرسائیکلز برآمد ہوئی، برآمدہ موٹرسائیکلز تھانہ سرجانی اور سائیٹ سپر ہائی وے کے علاقوں سے اسلحہ کے زور پر چھینی گئی تھی۔
ترجمان کے مطابق ملزمان سرجانی، سائیٹ سپر ہائی وے، اجمیر نگری سمیت اطراف کے علاقوں میں وارداتیں کرتے تھے۔
گرفتار ملزمان میں بشیر احمد ولد عنایت، شہباز ولد محمد صدیق، سرفراز عرف فراز ولد حکیم، ہاشم علی ولد حاجی حاکم علی اور عبدالطیف ولد محمد یعقوب شامل ہیں۔
گرفتار ملزمان کے خلاف ضابطے کے تحت مقدمات درج، مزید وارداتوں میں شناخت و تفتیش جاری ہے۔
