site
stats
پاکستان

کراچی : سائٹ ایریا میں جوتوں کی فیکٹری میں آتشزدگی

KARACHI

کراچی : شہر قائد کےعلاقے سائٹ ایریا میں جوتوں کی فیکٹری میں لگی آگ پر 11 گھنٹے گزرنے کے باوجود قابو نہ پایا جاسکا۔ آگ بجھانے کے دوران فائربریگیڈ کے 3 اہلکاروں سمیت پانچ افراد بھی زخمی ہوئے۔

تفصیلات کے مطابق کراچی کے علاقے سائٹ ایریا میں جوتوں فیکٹری میں خوفناک آتشزدگی نے دیکھتے ہی دیکھتے پوری عمارت کو لپیٹ میں لے لیا۔

آگ سے فیکٹری کی پوری عمارت زمین بوس ہو گئی جبکہ فائربریگیڈ حکام نےفیکٹری میں لگی آگ کو تیسرے درجے کی قرار دے دیا۔ آگ پرقابو پانے کے دوران فائربریگیڈ کے 3 اہلکاروبں سمیت 5 زخمی بھی ہوئے۔

فیکٹری میں لگی آگ کی شدت کے باعث قریبی عمارتوں کو بھی خالی کرا لیا گیا تھا جبکہ فیکٹری مالک کا الزام ہے کہ ملازمین نے تنخواہوں کے معاملے پر فیکٹری میں آگ لگائی ہے۔ پولیس نے معاملے کی تفتیش شروع کر دی ہے۔

چیف فائر آفیسر تحسین احمد نے فیکٹری میں لگی آگ تیسرے درجے کی قرار دیتے ہوئے کہا کہ فیکٹری میں کیمیکل کی موجودگی کے باعث آگ پرقابو نہیں پایا جاسکا جس کے بعد شہر بھر سے فائربریگیڈ کی گاڑیاں طلب کرلی گئی ہیں۔

دوسری جانب ترجمان پاک بحریہ کے مطابق فیکٹری میں لگی آگ پر قابو پانے کے لیے پاک بحریہ کے 2 فائر ٹینڈر بھی آگ بجھانے میں مصروف ہیں۔


نیوکراچی: فیکٹری میں لگنے والی آگ پر12گھنٹے بعد قابو پالیا گیا


واضح رہے کہ گزشتہ ماہ کراچی کے علاقے نیوکراچی میں پلاسٹک کا سامان بنانے والی فیکٹری میں لگنے والی آگ پر بارہ گھنٹے بعد قابو پالیا گیا تھا۔ آگ کی شدت سے فیکٹری کی عمارت منہدم ہوگئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top