کراچی: سندھ ہائی کورٹ کے 5 ایڈیشنل ججزنے مستقل ججزکے طورپرحلف اٹھا لیا جس کے بعد مستقل ججز کی تعداد 34 ہوگئی ہے۔
تفصیلات کے مطابق سندھ ہائی کورٹ میں ججز کی حلف برداری کی تقریب ہوئی جس میں ججز اور بار ایسوسی ایش کے عہدیداروں نے شرکت کی۔
چیف جسٹس سندھ ہائی کورٹ جسٹس احمد علی شیخ نے نئے مستقل ججز سے حلف لیا۔
حلف اٹھانے والے ججز میں جسٹس فہیم احمد صدیقی، خادم حسین، جسٹس عمرسیال، جسٹس عدنان الکریم میمن، اور جسٹس یوسف علی سعید شامل ہیں۔
خیال رہے کہ نئے ججز کے حلف اٹھانے کے بعد سندھ ہائی کورٹ کے مستقل ججز کی تعداد 34 ہوگئی ہے، آئینی طور پر سندھ ہائی کورٹ میں 40 ججز کی آسامیاں ہیں۔
سندھ ہائی کورٹ کے 6مستقل ججز نے حلف اٹھالیا
یاد رہے کہ گزشتہ سال 22 اکتوبر کو سندہ ہائی کورٹ کے چھ ایڈیشنل ججز نے مستقل ججز کی حیثیت سے حلف اٹھایا تھا ، ججز سے حلف چیف جسٹس سجاد علی شاہ نے لیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
