اسلام آباد : اتحاد تنظیم المدارس کا میٹرک اور انٹرمیڈیٹ کی سطح پر مدارس میں وفاقی بورڈ کا نصاب پڑھانے پراتقاق ہوگیا.
تفصیلات کے مطابق اسلام آباد میں بدھ کے روز وفاقی وزیرتعلیم انجینئر محمد بلیغ الرحمان کی زیر صدارت پانچ گھنٹے طویل اجلاس ہوا،جس میں مختلف مکاتب فکر کے علما کرام اور قومی انسداد دہشت گردی اتھارٹی کے عہدیداروں نے شرکت کی.
وفاقی وزیر تعلیم انجینئر محمد بلیغ الرحمان کی زیر صدارت اجلاس میں تمام مکاتب فکر کے علما کرام میں اس بات پر اتفاق ہواکہ وہ نیشنل ایکشن پلان کے مطابق مدارس میں میٹرک اور انٹرمیڈیٹ سطح پر وفاقی بورڈ کا نصاب پڑھائیں گے.
اجلاس میں پانچ بورڈز کے نمائندوں نے شرکت جن میں وفاق المدارس العربیہ (دیوبندی)،تنظیم المدارس اہلسنت پاکستان (بریلوی)،وفاق المدارس شیعہ،وفاق المدراس سلفیہ (اہل حدیث) اور جماعت اسلامی کا وفد شامل تھا.
شرکاء نے متقفہ طور پر اتفاق کیا کہ عربی اور اسلامک اسٹیڈیز میں ماسٹرز کی ڈگری کے لیے مدرسے کے طلبا کو لازمی مضامین انگریزی،اسلامیات اور مطالعہ پاکستان کے امتحانات دینا ہوں گے.
واضح رہے کہ اجلاس اتفاق ہواکہ دوسرے مضامین میں ماسٹرز کے لیےمدرسے کے طلبا اپنی پسند کے دو اختیاری مضامین کے ساتھ ساتھ لازمی مضامین کے امتحانات دیں گے.
