شوبز انڈسٹری کی معروف اداکارہ و ماڈل فضا علی شادی کی افواہوں پر خاموشی توڑ دی۔
فوٹو اور ویڈیو شیئرنگ ایپ انسٹاگرام پر اداکارہ فضا علی نے ویڈیو شیئر کی جس میں وہ اپنی شادی کی جھوٹی خبریں پھیلانے والوں پر برہمی کا اظہار کررہی ہیں۔
انہوں نے کہا کہ میں آپ سب سے ایک خاص خبر پر بات کرنا چاہ رہی تھی کہ آپ سب کو میری شادی کی بہت فکر ہے، آپ لوگ مجھے بیاہنے کے لیے بیٹھے ہیں، ہوسکتا ہے کہ آپ میں بہت سارے لوگوں نے میرا جہیز بھی تیار کرلیا ہو۔
اداکارہ کا کہنا تھا کہ آپ اپنی بہنوں کی فکر اور ان کی شادی کریں جو گھر میں بیٹھی ہیں، میں نے جب شادی کرنی ہوگی تو میں بتا دوں گی۔
انہوں نے مزید کہا کہ جب مجھے شادی کرنی ہوگی تو میں اس کا اعلان کروں گی، کچھ چھوٹے چھوٹے یوٹیوبرز سستی شہرت کے لیے میری شادی کرواتے رہتے ہیں، کچھ بڑے چینلز بھی میرا نام استعمال کرتے ہیں اور میری شادی کروا دیتے ہیں، کبھی میری مہندی، کبھی شادی اور کبھی میرا نکاح ہو جاتا ہے۔
اداکارہ کا کہنا تھا کہ مجھے ان خبروں سے افواہوں سے تکلیف پہنچتی ہے، میری دل آزاری ہوتی ہے، براہ کرم اس طرح کے کام چھوڑ دیں، میری شادی کی جعلی تصویروں میں مجھے ٹیگ کرنا بند کریں۔
واضح رہے کہ فضا علی سوشل میڈیا پر اکثر اپنی مزاحیہ ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
