معروف اداکارہ فضہ علی نے ایک شادی میں گلوکاری کا مظاہرہ کر کے سب کے دل جیت لیے، سوشل میڈیا پر پوسٹ کی گئی ان کی ویڈیوز کو بے شمار صارفین نے پسند کیا۔
تفصیلات کے مطابق معروف اداکارہ فضہ علی نے سماجی رابطے کی ویب سائٹ انسٹاگرام پر کچھ ویڈیوز پوسٹ کیں۔
ویڈیوز میں وہ ایک شادی کی تقریب میں موجود ہیں اور گلوکاری کا مظاہرہ کر رہی ہیں۔
- Advertisement -
ویڈیوز میں دیکھا جاسکتا ہے کہ وہ صوفی گلوکار عابدہ پروین کا کلام گنگنا رہی ہیں، اس کے بعد وہ ایک بھارتی گانا گاتی ہیں جس پر حاضرین بھی ان کا ساتھ دیتے ہیں۔
View this post on Instagram
View this post on Instagram
انسٹاگرام پر شیئر کرنے کے بعد لوگوں نے ان کی ویڈیوز کو بے حد پسند کیا اور ان کی گلوکاری کی تعریف کی۔
خیال رہے کہ فضہ علی انسٹاگرام پر تقریباً 1 ملین فالوورز رکھتی ہیں، وہ اکثر اپنی ذاتی و پیشہ وارانہ زندگی کے لمحات سوشل میڈیا پر شیئر کرتی رہتی ہیں۔
