لاہور: ذرائع کا کہنا ہے کہ پاکستانی سیاست میں تشکیل پانے والی ایک نئی جماعت استحکام پاکستان پارٹی کے پرچم کی آج رونمائی کی جائے گی، پرچم 3 رنگوں پر مشتمل ہوگا۔
ذرائع کے مطابق جہانگیر ترین کی قیادت میں بننے والی نئی پارٹی استحکام پاکستان پارٹی کے پرچم میں سبز رنگ نمایاں ہوگا، سفید اور سرخ رنگ بھی پرچم کا حصہ ہوں گے۔
ذرائع کا کہنا ہے کہ استحکام پاکستان جماعت کے پارٹی پرچم میں چاند ستارہ بھی ہوگا، پرچم کے علاوہ پارٹی کا منشور بھی آئندہ چند روز میں مکمل کر لیا جائے گا۔
اسحاق خاکوانی، عون چوہدری، علیم خان و دیگر افراد پر مشتمل ایک ورکنگ گروپ نے پرچم کے سلسلے میں کام کیا، پارٹی پرچم اور لوگو کی باقاعدہ رونمائی آج کی جائے گی۔
