The news is by your side.

Advertisement

بگ بیش میں فلیچر کے دو ناقابل یقین کیچ، ویڈیو وائرل

سڈنی: آسٹریلیا میں جاری بگ بیش لیگ میں ویسٹ انڈین کھلاڑی آندرے فلیچر نے دو ناقابل یقین کیچ پکڑ کر دیکھنے والوں کو حیران کردیا۔

تفصیلات کے مطابق بگ بیش لیگ میں ملیبرن اسٹارز کی نمائندگی کرنے والے اوپننگ بیٹسمین آندرے فلیچر نے ہوبارٹ ہاریکنز کے خلاف میچ میں دو شاندار کیچ پکڑ لیے جس کی ویڈیو سوشل میڈیا پر وائرل ہوگئی۔

ویسٹ انڈین کھلاڑی آندرے فلیچر نے شاندار کیچ تھامنے کے بعد اپنے مخصوص انداز میں جشن بھی منایا۔

ہوبارٹ ہاریکنز کے جنوبی افریقی بیٹسمین کولن انگرام نے ڈیپ کور کی جانب سے شاٹ کھیلا جو یقینی طور پر باؤنڈر ی ہوجاتی لیکن فلیچر نے تیزی سے بھاگتے ہوئے کیچ پکڑ کر انگرام کی امیدوں پر پانی پھیر کردیا۔

فلیچر نے ہوبارٹ ہاریکنز کے بین میک در موٹ کو بھی 91 رنز پر ناقابل یقین کیچ تھام کر پویلین روانہ کیا۔

ویسٹ انڈین بیٹسمین کی شاندار ٖفیلڈنگ کی بدولت ملیبرن اسٹارز نے ہوبارٹ ہاریکنز کو 10 رنز سے شکست دے کر کامیابی حاصل کی۔

Comments

یہ بھی پڑھیں