برازیل میں دوران پرواز طیارے کا دروازہ کھل گیا جس کی ویڈیو سوشل میڈیا پر وائرل ہورہی ہے۔
غیرملکی خبررساں ادارے کی رپورٹ کے مطابق برازیل میں طیارے کا کارگو دروازہ دوران پرواز کھل گیا جس سے مسافروں میں خوف و ہراس پھیل گیا۔
فلائٹ میں سوار ایک مسافر نے واقعے کی ویڈیو کیمرے میں محفوظ کرلی۔
ویڈیو میں دیکھا جاسکتا ہے کہ طیارے کے اندر تیز ہوائیں چل رہی ہیں اور مسافر خوفزدہ ہیں جبکہ طیارے کے دروازے کو بھی واضح طور پر دیکھا جاسکتا ہے۔
The aircraft of Brazilian singer and songwriter Tierry safely lands at São Luís Airport after the cargo door opens in flight. pic.twitter.com/VIx79ABtdX
— Breaking Aviation News & Videos (@aviationbrk) June 14, 2023
رپورٹ میں مطابق مذکورہ ویڈیو 12 جون کو ساؤ لوئس سے سلوا ڈور جانے والی پرواز کی ہے۔طیارے میں برازیلین گلوکار ٹیری بھی اپنے ساتھیوں کے ساتھ سوار تھیں۔
خوش قسمتی سے واقعے میں کسی مسافر کے زخمی ہونے کی کوئی اطلاع سامنے نہیں آئی ہے۔
ویڈیو بریکنگ ایوی ایشن نیوز اینڈ ویڈیوز نے شیئر کرتے ہوئے کیپشن میں لکھا کہ ’برازیل کے گلوکار ٹیری کا طیارہ پرواز میں کارگو کا دروازہ کھلنے کے بعد بحفاظت ساؤ لوئس ہوائی اڈے پر اتار لیا گیا ہے۔
ایوی ایشن حکام نے واقعے کی تحقیقات شروع کردی ہیں۔
