حیدرآباد: بھارت میں ایک ایئرلائن نے آن لائن ٹکٹ بک کرنے والے مسافر کے ہوش اڑا دیے، ایئر لائن کی جانب سے مسافر کو ایک ہی مقام کا روانگی اور آمد والا ٹکٹ دے دیا۔
میڈیا رپورٹس کے مطابق آدیتیا وینکٹیش نامی شہری نے حیدرآباد سے بنگلورو کے لیے ایئر ایشیا کے ذریعے آن لائن ٹکٹ بک کیا، جب کنفرمیشن کے بعد ٹکٹ آیا تو وہ چکرا کر رہ گیا۔
مسافر نے دیکھا کہ ٹکٹ میں روانگی اور آمد کا ایک ہی مقام درج تھا یعنی ٹکٹ بنگلورو سے بنگلورو کا تھا، جب یہ معاملہ سوشل میڈیا پر آیا تو صارفین نے اس کا خوب مذاق اڑایا۔
Hi @AirAsiaIndia this is really confusing. So if I book this ticket, where will I really go? And where will I leave from? pic.twitter.com/wJkmDtaqJT
— Auditya Venkatesh (@AudiPhotography) November 22, 2022
بار بار کی ناکام کوششوں کے بعد آخرکار آدیتیا نے ٹوئٹر پر اپنا سوال پوسٹ کیا تاکہ ایئر لائن سے اپنے مسئلے کا حل تلاش کیا جا سکے، انھوں نے لکھا کہ میں نے AirAsia کے ساتھ حیدرآباد سے بنگلورو کے لیے فلائٹ ٹکٹ بک کرایا تاہم معلوم ہوا کہ ٹکٹ بنگلورو سے بنگلورو کے لیے بک کیا جا رہا ہے۔
The fact that it's a glitch is obvious. It did the same thing again, it was to edit an existing booking via the chrome browser on an Android phone. It still keeps showing the same thing. I still went ahead and booked it, because it was a last minute change. Fingers crossed
— Auditya Venkatesh (@AudiPhotography) November 22, 2022
آن لائن کنفرمیشن کے بعد ٹکٹ سے یہ بھی معلوم ہو رہا تھا کہ یہ پرواز (بنگلورو میں) کیمپگوڈا انٹرنیشنل ایئرپورٹ سے 14:20 پر روانہ ہوگی اور 15:30 پر کولکتہ کے نیتاجی سبھاش چندر بوس انٹرنیشنل ایئرپورٹ پر پہنچے گی۔
Luckily they didn't ask you to change the destination.. haha
— Shyam T S (@ts_shyam) November 23, 2022
آدیتیا نے ایئرلائن سے کہا ’’میں الجھ گیا ہوں، اگر میں یہ ٹکٹ بک کرتا ہوں تو میں واقعی میں کہاں جاؤں گا؟ اور کہاں سے جاؤں گا؟‘‘
ایئر ایشیا نے جواب دیا کہ یہ ایک تکنیکی خرابی ہو سکتی ہے اور براؤزر ریفریش کر کے نئی بکنگ کریں، تاہم دوبارہ کوشش کا نتیجہ بھی وہی نکلا۔
یہ وائرل ٹویٹ صارفین کے مزاحیہ ردعمل کا باعث بنا، اس پوسٹ کو 12 ہزار کے قریب لائکس ملے، صارفین نے اس پر طرح طرح کے تبصرے کیے، ایک صارف نے لکھا: ’’خوش قسمتی سے انھوں نے آپ سے منزل بدلنے کو نہیں کہا، ہاہاہاہا۔‘‘
Don't we know that we should refresh the page if this type of strange thing happens?
PS: We will do all the things like.. Reopening the app, Reinstalling the app, Opening Website..😅😂
They should give a proper answer instead of this!— Sreevith Penti (@SreevithP) November 22, 2022
ایک صارف نے سنجیدہ تبصرہ کیا: ’’کیا ہم نہیں جانتے کہ اگر اس قسم کی عجیب بات ہوتی ہے تو ہمیں صفحے کو ریفریش کرنا چاہیے؟ ہم اس طرح کی تمام چیزیں کرتے ہیں، جیسا کہ ایپ کو دوبارہ کھولنا، ایپ کو دوبارہ انسٹال کرنا، ویب سائٹ کھولنا، انھیں یہ کہنے کی بجائے مناسب جواب دینا چاہیے تھا۔‘‘
تاہم، آدیتیا نے تبصروں میں انکشاف کیا کہ انھوں نے ٹکٹ کی بکنگ ختم کر دی تھی، اور اس دوران ان کا اسسٹنٹ بنگلورو پہنچ بھی گیا تھا۔
