The news is by your side.

Advertisement

سیلاب متاثرین کے امدادی سامان کا گودام مل گیا، چابیاں سیاسی کارکن کے پاس تھیں

ٹنڈو محمد خان : سال دوہزار گیارہ کے سیلاب متاثرین کیلئے آنے والے امدادی سامان کا گودام اے آر وائی نیوز نے ڈھونڈ لیا، گودام کی چابیاں ایک سیاسی جماعت کے رکن کے پاس تھیں۔

تفصیلات کے مطابق مختلف ممالک اور سماجی تنظیموں کی جانب سے انسانی ہمدردی کے جذبے کے تحت سال 2011میں پاکستان میں سیلاب متاثرین کے لیے خوراک اور دیگر سامان کی صورت میں امداد فراہم کی گئی تھی جسے متاثرین تک پہچانے کے بجائے گودام میں محفوظ کرلیا گیا۔

اے آر وائی نیوز نے سیلاب متاثرین کیلئے بھیجے گئے سامان کا گودام ڈھونڈ نکالا، ٹنڈو محمد خان کے علاقے میں قائم گودام میں رکھا گیا سامان2011کے سیلاب متاثرین کیلئے بھجوایا گیا تھا۔

امدادی سامان میں ٹینٹ، پنکھے اور دیگر اشیاء شامل ہیں، مذکورہ امدادی سامان ٹنڈو غلام حیدر ٹاؤن کے قریب گودام میں رکھا گیا تھا۔

مزید پڑھیں: کراچی میں بارش کے بعد ایم نائن موٹروے پرسیلاب، پولیس اور فوجی جوانوں کی امدادی کارروائیاں

بعد ازاں انکشاف ہوا کہ اس گودام کی چابیاں ایک سیاسی جماعت کے کارکن کے پاس تھیں، ڈپٹی کمشنر ٹنڈو محمد خان یاسر بھٹی کے احکامات کے بعد گودام کی چابیاں محکمہ ریونیو کےحوالے کردی گئی ہیں۔

 

Comments

یہ بھی پڑھیں