17.3 C
Ashburn
ہفتہ, مئی 18, 2024
اشتہار

سیلاب متاثرین کے گمشدہ شناختی کارڈز رینیو کرنے کا عمل شروع

اشتہار

حیرت انگیز

کراچی : چیئرمین نادرا طارق نے کہا ہے کہ سیلاب متاثرین کی بحالی اور ان کی رجسٹریشن کیلئے حب میں نادرا دفتر نے کام شروع کردیا۔

یہ بات انہوں نے حب نادرا کے دفترکے دورے کے موقع پر گفتگو کرتے ہوئے کہی، انہوں نے کہا کہ بلوچستان کے سیلاب متاثرین کو نادرا کی رسائی کو آسان اور رجسٹریشن کو یقینی بنانے کیلئے نادرا دفتر نے باقاعدہ کام شروع کردیا ہے

اس موقع پر چیئرمین نادرا نے سیلاب متاثرین کو ملنے والی نادرا سہولیات کا معائنہ بھی کیا، انہوں نے بتایا کہ دفترمیں جدید سہولیات کے ساتھ بچوں کے کھیلنے کا ایریا بھی مختص کیا گیا ہے۔

- Advertisement -

ان کا کہنا تھا کہ سیلاب متاثرہ افراد کے گمشدہ شناختی کارڈز کو ترجیحی بنیادوں پر پروسیس کرنے کا عمل شروع کیا گیا ہے۔

چیئرمین نادرا نے بتایا کہ حب میں بھی متاثرینِ سیلاب نے ہجرت کی ہے اور بروقت اقدامات اٹھاتے ہوئے اضافی موبائل رجسٹریشن گاڑی تعینات کردی گئی ہے۔

چئیرمین نادرا نے کہا کہ خواتین کی رجسٹریشن اور ان کے لئے دو دن جمعہ اور ہفتہ کو مختص کیا گیا ہے۔ انہوں نے کہا کہ بلوچستان میں تباہ کن سیلاب نے کئی خاندانوں کو متاثر اور ہجرت کرنے پرمجبورکیا ہے۔

Comments

اہم ترین

انجم وہاب
انجم وہاب
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں

مزید خبریں