لاہور : بھارت سے چھوڑے گئے سیلابی ریلے کے باعث دریائے راوی میں طغیانی سے شاہدرہ کے مقام پر پانی کی سطح بلند ہونے لگی۔
تفصیلات کے مطابق بھارت کی جانب سے دریائے راوی میں چھوڑا گیا سیلابی ریلا شاہدرہ پہنچ گیا، جس کے باعث مکین محفوظ مقامات پرمنتقل ہوگئے۔
ہنگامی صورتحال سے نمٹنے کے لیے ضلعی انتظامیہ تیار ہے جبکہ ساہیوال میں بھی انتظامیہ نے دریا کی قریبی آبادیوں کو الرٹ جاری کر دیا ہے۔
دریائے چناب میں چنیوٹ کے مقام پر نچلے درجے کے سیلاب کے باعث کئی آبادیاں زیر آب آگئیں اور زمینی رابطے منقطع ہوگیا۔.
راجن پور میں بڑے سیلابی ریلے کے خدشے کے پیش نظر تمام محکموں کو الرٹ جاری کردیا اور چالیس فلڈ ریلیف کیمپ قائم کردیے گئے۔
وزیراعلیٰ پنجاب چوہدری پرویزالہی کا کہنا ہے کہ سیلاب متاثرین کے ساتھ کھڑے ہیں، متاثرہ خاندانوں اور علاقوں کی بحالی کے کام کی نگرانی خود کر رہا ہوں، متاثرین کے نقصانات کا ازالہ کیا جائے گا۔
