اسلام آباد : چین نے پاکستان کے سیلاب متاثرین کے لئے 100 ملین یوآن امداد کا اعلان کرتے ہوئے 25000 خیمے اور دیگر امدادی اشیا کا بھی عطیہ کردیں۔
تفصیلات کے مطابق چینی صدر اور وزیراعظم نے صدر عارف علوی اور وزیراعظم شہباز شریف کیلئے پیغام میں سیلاب سے جانی ومالی نقصانات پرافسوس اور بھرپور یکجہتی کا اظہار کیا۔
چینی صدر اور وزیراعظم کا پیغام پاکستان میں چین کے سفیر نونگ رونگ نے پہنچایا۔
چین نے پاکستان کے سیلاب متاثرین کے لئے 100 ملین یوآن امداد کا اعلان کردیا جبکہ 25000 خیموں اور دیگر امدادی اشیا کا بھی عطیہ دیا۔
چین کی فضائیہ کی پروازیں 300خیموں کی پہلی کھیپ لے کر آج اور کل کراچی پہنچیں گی۔
چینی سفیر نونگ رونگ کراچی میں امدادی سامان پاکستانی حکام کے حوالے کریں گے، چین کی طرف سے امداد پراقتصادی امور ڈویژن کو باضابطہ آگاہ کیا جائے گا۔
چین کے سفیر نونگ رونگ نے چین کی قیادت کے فیصلے سے حکومت پاکستان کو آگاہ کر دیا ہے۔
وزیراعظم نے چینی صدر شی جن پنگ اور وزیراعظم لی کی چیانگ کیلئےنیک تمناؤں کا اظہار کرتے ہوئے کہا ہمیشہ کی طرح چین کی قیادت،عوام نے دوستی اور فراخ دلی کامظاہرہ کیا۔
