صومالیہ میں آنے والے بدترین سیلاب نے مچادی، جس کے نتیجے میں 100 سے زائد افراد لقمہ اجل بن گئے، جبکہ لاکھوں افراد کے بے گھر ہونے کی اطلاعات سامنے آرہی ہیں۔
بین الاقوامی خبر رساں ادارے کا اس حوالے سے کہنا ہے کہ افریقا کے ملک صومالیہ میں حال ہی میں آنے والے سیلاب نے بڑے پیمانے پر تباہی مچائی ہے، جس سے معمولات زندگی بری طرح متاثر ہوئے ہیں۔
رپورٹ کے مطابق قدرتی آفت کے نتیجے میں لاکھوں افراد بے گھر ہوچکے ہیں جبکہ فصلیں بھی تباہ ہوچکی ہیں، جس سے ملک میں خوراک کے مسائل پیدا ہونے کا خدشہ ہے۔
غیر ملکی ذرائع ابلاغ کے مطابق ایک اور قدرتی آفت نے افریقا کے مختلف علاقوں کو آن گھیرا ہے، جس کے باعث نظام زندگی بری طرح تباہ ہوگیا ہے۔
حکومت کے مطابق سیلاب کی وجہ سے 2 ملین لوگ متاثر ہوئے ہیں اور سیلاب سے تقریباً 100 افراد ہلاک ہوچکے ہیں۔
میڈیا رپورٹس کے مطابق آئندہ سال کے اپریل تک صومالیہ میں ایسی ہی صورتحال کا خدشہ ظاہر کیا جارہا ہے۔
’ممبئی ایئرپورٹ کو بم سے اُڑانے کی دھمکی دینے والا ملزم گرفتار‘
سیلاب کے نتیجے میں بڑے پیمانے پر زرعی زمین تباہ ہوچکی ہے اور متعدد پل سیلابی ریلے میں بہہ گئے ہیں، حکومت نے رواں ماہ کے آغاز میں ہی صومالیہ میں ریاستی ایمرجنسی نافذ کردی تھی اور بتایا جارہا ہے کہ سیلاب کی وجہ سے 7 لاکھ لوگ بے گھر ہوچکے ہیں۔
