The news is by your side.

Advertisement

گالف کے دوران گیند مگر مچھ کی دم پر، پھر کیا ہوا ؟ ویڈیو وائرل

فلوریڈا : امریکہ میں گالف کے ایک کھلاڑی نے محض گیند کے حصول کیلئے اپنی جان کو خطرے میں ڈال دیا، خطرناک مگر مچھ کے پاس جانے سے بھی گریز نہیں کیا۔

امریکی ریاست فلوریڈا میں گالف کے کھلاڑی چارلی نے کھیل کے دوران گیند کو ہٹ کیا تو گیند اچھل کر میدان کے پاس نہر کے کنارے بیٹھے ایک خطرناک مگر مچھ کے پاس جا کر ٹھہر گئی۔

سوشل میڈیا پر وائرل ہونے والی ویڈیو میں کھلاڑی کے بھائی کائل ڈونس نے بتایا کہ وہ اور اس کا بھائی گزشتہ روز کیپ کورل کے اوکس گولف کورس میں موجود تھے جب گیند اچھل کر مگرمچھ کی دم کے بالکل پاس جا کر رک گئی۔

غیر ملکی خبر رساں ادارے کے مطابق کائل ڈاؤنس نے شیئر کردہ ویڈیو میں بتایا کہ گیند کو لانے کیلئے اس کے بھائی نے بہت بڑا خطرہ مول لیا اور آہستہ آہستہ اس کی دم کے پاس جاکر گیند کو پکڑنے میں کامیاب ہوگیا۔

واضح رہے کہ اس سے قبل بھی فلوریڈا گولف کورس کے اس مقام پر اس دیوہیکل مگر مچھ کو دیکھا گیا تھا، دس فٹ لمبے مگرمچھ کی جسامت ڈائنا سور سے مماثلت رکھتی ہے۔

Comments

یہ بھی پڑھیں