The news is by your side.

Advertisement

فلوریڈا : بد بخت بیٹے نے اورنج جوس نہ دینے پر ماں کو گولیوں سے بُھون دیا

فلوریڈا : امریکہ میں بدبخت بیٹے نے معمولی باتوں میں تلخ کلامی پر اپنی والدہ کو گولیوں سے بھون دیا، ملزم نے خود کو بھی مارنے کی کوشش کی لیکن کامیاب نہ ہوسکا۔

تفصیلات کے مطابق امریکی ریاست فلوریڈا میں اندوہناک واقعہ پیش آیا ہے جس میں ایک بیٹے نے اپنی ماں کو محض اس بات پر فائرنگ کرکے مار دیا کہ اس نے اسے فریج سے جوس نکال کر پینے سے منع کردیا تھا۔

امریکی ذرائع ابلاغ کے مطابق 29 سالہ لوئس پیجر نے پولیس ہیلپ لائن911کو فون کیا اور بتایا کہ اس نے اپنی 59سالہ ماں مریم گونزالیز کو گولی مار کر قتل کردیا ہے مجھے گرفتار کرکے جیل میں ڈال دو۔

پولیس رپورٹ میں کہا گیا ہے کہ لوئس پیبجر بے روزگار تھا اور روزانہ روزگار کی تلاش میں اپنی ماں کی کار لے جاتا تھا، وقوعہ والے روز اس نے ماں سے کار کی چابی مانگی جس کا اس کی ماں نے منع کردیا۔

رپورٹ کے مطابق ملزم نے فریج میں سے جوس نکال کر پینا چاہا جس پر اس کی ماں نے پھر اعتراض کیا، کچھ دیر بعد جب اس نے اپنی والدہ سے اے سی کا ریموٹ کنٹرول مانگا تو ماں نے پھر انکار کیا اور غصے میں اس کو چاقو دکھایا جس پر وہ مشتعل ہوگیا۔

ملزم لوئس پیجر نے طیش میں آکر پستول نکال لی اور جنونی کیفیت میں اپنی ماں پر فائرنگ کرتا چلا گیا، اس کے بعد اس نے خود کو بھی گولی مارنے کی کوشش کی لیکن پستول میں گولیاں ختم ہوچکی تھیں۔

پولیس رپورٹ کے مطابق مقتولہ کو چھ گولیاں لگیں اور اس نے موقع پر ہی دم توڑ دیا تھا۔ پستول میں صرف چھ گولیوں کی گنجائش تھی جس کی وجہ سے وہ خودکشی نہ کرسکا اورپولیس کو کال کی۔

fb-share-icon0
Tweet 20

Comments

comments

یہ بھی پڑھیں