کراچی : شہر قائد میں آٹے کا بحران سنگین ہونے کے ساتھ قیمتوں میں اضافہ کا خطرہ ہے، چیئرمین فلور ملز ایسوسی ایشن عبدالروف کا کہنا ہے کہ کراچی میں گندم ختم ہوچکی ہے۔
تفصیلات کے مطابق اندرون سندھ سے کراچی گندم لانے پر پابندی کے باعث شہر میں آٹے کا بحران سنگین ہونے کا خطرہ ہے۔
محکمہ خوراک سندھ نے فلور ملز سے گندم لانے والے 50 سے زائد ٹرالر روک دیئے ، گندم تحویل میں لیے جانے کیخلاف لانڈھی گودام کے گیٹ پر دھرنا دے دیا۔
چیئرمین فلور ملز ایسوسی ایشن عبدالروف کا کہنا ہے کہ کراچی میں گندم ختم ہوچکی ہے شہر میں آٹے کی قلت پیدا ہوگئی ہے۔
عبدالروف نے مزید کہا ہے کہ ناقص پالیسیوں اورگندم کی نقل و حرکت پر پابندی سے آٹا مہنگا ہوجائے گا، گندم کی نئی فصل آنے کے بعد گندم کی فی کلو قیمت 10روپے کمی سے110روپے ہوگئی تھی۔
چیئرمین فلور ملز ایسوسی ایشن نے خبردار کیا کہ اندرون سندھ سے گندم کراچی نہ پہنچی تو شہر میں آٹے کے بحران کیساتھ قیمتوں میں اضافہ ہوگا۔