جمعرات, جولائی 25, 2024
اشتہار

آٹے کی قیمت میں اضافہ، پنجاب میں سستے آٹے کی فراہمی کے لیے اہم اقدام

اشتہار

حیرت انگیز

لاہور: صوبہ پنجاب کے محکمہ خوراک کا کہنا ہے کہ آٹے کی قیمت میں اضافے کے پیش نظر آج سے ملوں کو 26 ہزار ٹن سستی گندم جاری کردی جائے گی۔

تفصیلات کے مطابق ترجمان صوبائی محکمہ خوراک کا کہنا ہے کہ پنجاب بھر میں آٹا ملوں کا کوٹہ بڑھا دیا گیا، آج سے ملوں کو 26 ہزار ٹن سستی گندم جاری ہوگی۔

ترجمان کا کہنا ہے کہ لاہور میں سستے آٹے کی فراہمی کے پوائنٹس کی تعداد بڑھا کر 17 ہزار سے زائد کر دی گئی۔

- Advertisement -

ترجمان کے مطابق اتوار سے آٹے کی صورتحال میں بہتری آئی ہے، چکی اور دکانوں پر کمرشل آٹے کی قیمت و سپلائی ضلعی انتظامیہ کی ذمہ داری ہے۔

ترجمان کی جانب سے مزید کہا گیا کہ ذخیرہ اندوز اس وقت فائدہ اٹھا رہے ہیں، ڈپٹی کمشنر کی ٹیموں کو بھی فعال کیا جائے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں