The news is by your side.

Advertisement

فلور ملز مالکان مارکیٹ میں آٹے کی وافر فراہمی کو یقینی بنائیں،عبد العلیم خان

لاہور: وزیر خوراک پنجاب عبدالعلیم خان کا کہنا ہے کہ فلور ملز مالکان مارکیٹ میں آٹے کی وافر فراہمی کو یقینی بنائیں۔

تفصیلات کے مطابق سینئر وزیر پنجاب عبدالعلیم خان سے فلور ملزایسوسی ایشن نے ملاقات کی۔عبدالعلیم خان نے فلورملز مالکان سے رمضان میں رضاکارانہ آٹے کی قیمت میں کمی کی اپیل کی۔

اس موقع پر عبدالعلیم خان کا کہنا تھا کہ گندم مل مالکان کے جائز تحفظات دور ہوں گے،حقیقت پسندانہ فیصلے کرتے ہوئے مالی بوجھ سے بچنا ہوگا۔

صوبائی وزیر نے کہا کہ فلور ملز مالکان مارکیٹ میں آٹے کی وافر فراہمی کو یقینی بنائیں، آٹے کی قلت کی خبریں شہریوں کے لیے تشویش کا باعث بنتی ہیں۔

انہوں نے کہا کہ پنجاب سے دیگر صوبوں میں گندم جانے کی پالیسی پر نظر ثانی کریں گے، کوئی صوبہ گندم کی خریداری نہیں کرے گا، پنجاب خود دےگا۔

وزیر خوراک پنجاب نے گندم خریداری کے ہدف میں 5 لاکھ ٹن اضافے کی ہدایت کرتے ہوئے کہا کہ فلور ملز ایسوسی ایشن ذخیرہ اندوزی کرنے والوں کی حوصلہ شکنی کرے،کاروبار کریں،منافع کمائیں لیکن ناجائزکام نہیں ہونا چاہیے۔

پنجاب سےگندم اسمگل نہیں ہونے دیں گے، عبدالعلیم خان

یاد رہے کہ دو روز قبل وزیر خوراک پنجاب عبدالعلیم خان کا کہنا تھا کہ پنجاب سےگندم دوسرے صوبوں میں اسمگل نہیں ہونے دیں گے۔

Comments

یہ بھی پڑھیں