واشنگٹن : وزیر خزانہ اسحاق ڈار امریکا کے آئی ٹی سرمایہ کاروں کی پاکستان میں دلچسپی خوش آئند قراردیتے ہوئے کہا سرمایہ کاروں کو ہر ممکن سہولت دیں گے۔
تفصیلات کے مطابق وزیرخزانہ اسحاق ڈار نے واشنگٹن میں پاک – امریکا آئی ٹی ماہرین کے اجلاس میں شرکت کی۔
جس میں اسحاق ڈار نے شرکاء کو پاکستان میں آئی ٹی کے مواقع سے آگاہ کرتے ہوئے کہا امریکا کے آئی ٹی سرمایہ کاروں کی پاکستان میں دلچسپی خوش آئند ہے۔
- Advertisement -
وزیر خزانہ کا کہنا تھا کہ آئی ٹی کا شعبہ پاکستان کی معاشی ترقی میں اہم کردارادا کرسکتاہے، امریکہ کے آئی ٹی سرمایہ کاروں کو پاکستان میں ہر ممکن سہولت دیں گے۔
اسحاق ڈار نےاسلامک ٹریڈفنانس کارپوریشن کےسی ای او سے بھی ملاقات کی ، جس میں اسحا ق ڈار نے کہا کہ ہم اسلامک ٹریڈ فنانس کارپوریشن کے ساتھ شراکت بڑھانا چاہتے ہیں۔
