جکارتہ: انڈونیشیا میں مسافر طیارے کے حادثے پر وزیر خارجہ شاہ محمود قریشی نے کہا ہے کہ دکھ کی اس گھڑی میں ہم انڈونیشی بھائیوں کے غم میں شریک ہیں۔
وزیر خارجہ شاہ محمود نے جکارتا طیارہ حادثے پر اظہار افسوس کرتے ہوئے کہا ہے کہ ہم مسافروں کے لواحقین، انڈونیشیا کی حکومت اور عوام سے اظہار تعزیت کرتے ہیں۔
جکارتہ طیارہ حادثے پر سی ای او پی آئی اے کی جانب سے بھی اظہار افسوس کیا گیا ہے، انھوں نے کہا کہ طیارہ حادثہ کہیں بھی ہو، الم ناک ہوتا ہے، انڈونیشیا کے بھائیوں کے دکھ میں برابر کے شریک ہیں۔
انڈونیشیا، لاپتہ مسافر طیارے کے حوالے سے دل چیر دینے والی اطلاع
واضح رہے کہ انڈونیشیا میں ایک مسافر طیارہ لاپتا ہوا، کوسٹ گارڈ حکام نے طیارہ سمندر میں گرنے کا خدشہ ظاہر کیا ہے، سمندر میں امدادی کارکنوں کو طیارے کا ملبہ اور انسانی اعضا بھی ملے ہیں۔
رپورٹس کے مطابق بوئنگ 737 کا 10 ہزار فٹ کی بلندی پر پہنچنے پر کنٹرول ٹاور سے رابطہ منقطع ہوگیا تھا، یہ طیارہ جکارتہ سے مونٹی یانک جا رہا تھا، جس میں عملے سمیت 62 مسافر سوار تھے۔
