دوشنبے : وزیر خارجہ شاہ محمود قریشی نے تاجکستان کیساتھ تعلقات مزید مستحکم بنانے کےعزم کا اعادہ کرتے ہوئے کہا دونوں ممالک دوطرفہ مراسم کومزید وسعت،مستحکم بنانے کیلئے پر عزم ہیں۔
تفصیلات کے مطابق وزیر خارجہ شاہ محمود قریشی کی تاجکستان کے صدر امام علی رحمان سے ملاقات ہوئی ، وزیرخارجہ نے تاجک صدر کو افغانستان کے حوالے پاکستانی موقف سے آگاہ کیا اور تاجک صدرکووزیراعظم عمران خان کی جانب سے نیک خواہشات کا پیغام دیا۔
Privileged to meet President #EmomaliRahmon and to convey PM @ImranKhanPTI’s best wishes. Also shared with President Rahmon Pakistan’s perspective on #Afghanistan & our focus on a coordinated approach to realise shared objectives of a peaceful and connected region. 🇵🇰 🤝 🇹🇯 pic.twitter.com/y66E53208v
— Shah Mahmood Qureshi (@SMQureshiPTI) August 25, 2021
شاہ محمود قریشی نے تاجکستان کیساتھ تعلقات مزید مستحکم بنانے کےعزم کا اعادہ کرتے ہوئے کہا پاکستان،تاجکستان میں تاریخی تعلقات ہیں ، دونوں ممالک دوطرفہ مراسم کومزید وسعت،مستحکم بنانے کیلئے پر عزم ہیں۔
وزیر خارجہ نے مشترکہ مقاصد کے حصول کیلئے، متفقہ لائحہ عمل اپنانے کی ضرورت پر زور دیتے ہوئے کہا افغانستان میں امن پورے خطے کیلئے یکساں اہمیت کا حامل ہے۔
تاجک صدر امام علی رحمان نے وزیر خارجہ کو تاجکستان میں آمد پر خوش آمدید کہتے ہوئے کہا افغانستان سے متعلق مربوط مؤقف کی تجویز سے اتفاق کیا۔
تاجک صدر امام علی رحمان کا کہنا تھا کہ ستمبر کو دوشنبے میں ایس سی اواجلاس میں وزیراعظم عمران خان کے منتظر ہیں۔
