تازہ ترین

چیف جسٹس نے فیض آباد دھرنا نظر ثانی کیس سماعت کے لیے مقررکردیا

اسلام آباد: چیف جسٹس آف پاکستان قاضٰی فائز عیسیٰ...

’امریکا پاکستان کی سب سے بڑی برآمدی منزل ہے‘

نیویارک: نگراں وزیراعظم انوار الحق کاکڑ کا کہنا ہے...

الیکشن کمیشن نے افسران کو عام انتخابات کی تیاریوں کا حکم دے دیا

اسلام آباد: الیکشن کمیشن آف پاکستان نے جنوری 2024...

خیبرپختونخوا میں سیکیورٹی فورسز کا آپریشن، 8 دہشت گرد مارے گئے

راولپنڈی: خیبرپختونخوا کے دو اضلاع میں سیکیورٹی فورسز کے...

وزیرخارجہ شاہ محمود قریشی سے امریکی نائب وزیر خارجہ کی ملاقات

اسلام آباد : وزیرخارجہ شاہ محمود قریشی نے امریکی نائب وزیر خارجہ سے ملاقات میں کہا کہ پاکستان اور امریکہ کے نقطہ نظر میں ہم آہنگی موجود ہے، پاکستان خطے میں قیام امن کیلئے پائیدار تعلقات کے قیام کا خواہاں ہے۔

تفصیلات کے مطابق امریکی نائب وزیرخارجہ وینڈی آرشرمن وفد کے ہمراہ وزارتِ خارجہ پہنچیں ، جہاں وزیرخارجہ شاہ محمود قریشی سے امریکی نائب وزیر خارجہ کی ملاقات ہوئی۔

ملاقات میں دوطرفہ تعلقات ، افغانستان اور علاقائی امن سے متعلق امور پر تبادلہ خیال کیا گیا ، شاہ محمودقریشی نے کہا پاکستان اور امریکہ کے نقطہ نظر میں ہم آہنگی موجود ہے۔

امریکی نائب وزیر خارجہ نے پاکستان کی معاونت اور کوشش کو سراہا، وزیر خارجہ نے کہا کہ افغانستان میں نیا سیٹ اپ افغان عوام کی بہتری کیلئےکام کرے گا، افغان عوام کی نمائندہ حکومت قابل اعتماد شراکت دار ہو سکتی ہے۔

شاہ محمود قریشی کا کہنا تھا کہ معیشت کی تعمیر کے لیے ٹھوس اقدامات کی ضرورت ہے، پاکستان خطے میں قیام امن کیلئے پائیدار تعلقات کے قیام کا خواہاں ہے۔

وزیر خارجہ نےجنوبی ایشیا میں امن کیلئے مسئلہ کشمیرکے حل کی اہمیت پر زور دیتے ہوئے کوویڈ سے متعلقہ معاونت پر امریکی نائب وزیرخارجہ کاشکریہ ادا کیا۔

اس سے قبل امریکاکی نائب سیکرٹری آف اسٹیٹ کی قومی سلامتی کے مشیر معیدیوسف سےملاقات ہوئی تھی ، ملاقات میں پاک امریکا وفود کی باہمی امور، خطے میں بدلتی صورتحال سمیت معاشی تعاون،تجارت، خطےکی سیکیورٹی،افغان صورتحال پرتبادلہ خیال کیا گیا۔

ملاقات میں دوطرفہ تعلقات کی بہتری کی خواہش کا اظہار کیا گیا، معیدیوسف نے کہا تھا کہ دنیا کو افغان عبوری حکومت سے روابط قائم رکھنے کی ضرورت ہے اور بھارت کی انسانی حقوق کی خلاف ورزی امن کےلیےخطرہ ہے۔

امریکی وفد نے انخلا اور افغان مہاجرین کی مدد کرنے پر پاکستان کے کردارکو سراہا۔

Comments

- Advertisement -