وزیرخارجہ شاہ محمود قریشی واشنگٹن پہنچ گئے -
The news is by your side.

Advertisement

وزیرخارجہ شاہ محمود قریشی واشنگٹن پہنچ گئے

واشنگٹن : وزیرخارجہ شاہ محمودقریشی امریکی دارالحکومت واشنگٹن پہنچ گئے، وہ کل پاکستانی سفارت خانے میں پریس کانفرنس کریں گے۔

تفصیلات کے مطابق وزیرخارجہ شاہ محمود قریشی واشنگٹن پہنچ گئے جہاں وہ ایک روزہ قیام کے بعد نیویارک روانہ ہوں گے۔

شاہ محمود قریشی کل پاکستانی سفارت خانے میں پریس کانفرنس کریں گے اورپاکستانی کمیونٹی کی تقریب میں بھی شرکت کریں گے۔

وزیرخارجہ 26 ستمبر کو سارک وزراء خارجہ کونسل کے اجلاس میں بھی شرکت کریں گے اور 29 ستمبرکو پاکستانی وزیرخارجہ نیویارک میں اقوام متحدہ کی جنرل اسمبلی میں خطاب کریں گے۔

دفترخارجہ کے مطابق واشنگٹن میں پاکستانی وزیرخارجہ امریکی ہم منصب مائیک پومپیو سے ملاقات کریں گے اور یہ ملاقات یکم اکتوبر کے بعد ہوگی۔

امریکی وزیرخارجہ نے پاکستانی وزیرخارجہ کو امریکا کے دورے کی دعوت دی تھی جو انہوں نے قبول کی تھی۔

وزیرخارجہ شاہ محمود قریشی اگلے ماہ 3 اکتوبر کے بعد وطن واپس پہنچیں گے۔

بھارت مذاکرات سے بھاگ گیا، بھارتی وزیر خارجہ کا ملاقات سے انکار

واضح رہے کہ اقوام متحدہ کے جنرل اسمبلی کے اجلاس کی سائیڈ لائنز پرپاکستان اور بھارت کے وزرائے خارجہ کی ملاقات متوقع تھی لیکن بھارت نے وزرائے خارجہ کے درمیان ملاقات کی حامی بھرنے کے بعد ملاقات منسوخ کردی تھی۔

Comments

comments

یہ بھی پڑھیں