تہران : وزیرخارجہ شاہ محمود قریشی نے کہا ایرانی صدرحسن روحانی سےتعمیری،مثبت بات چیت ہوئی ، پاکستانی سرزمین کسی جنگ کیلئے استعمال نہیں ہوگی۔
تفصیلات کے مطابق وزیرخارجہ شاہ محمود قریشی نے سماجی رابطے کی ویب سائٹ ٹوئٹر پر اپنے دورہ ایران سے متعلق کہا کہ ایرانی صدرحسن روحانی سےتعمیری،مثبت بات چیت ہوئی، خطے میں امن کیلئے پاکستان سفارتی کوششیں جاری رکھےگا، پاکستانی سرزمین کسی جنگ کیلئے استعمال نہیں ہوگی۔
Constructive & positive meeting with H.E President @hassanrouhani. Reiterated effort to deescalate tensions to the President which he supports. We are committed to exercising every diplomatic effort to achieve regional security & are clear Pakistan soil will not be used for war. pic.twitter.com/UOSfAgiWhY
— Shah Mahmood Qureshi (@SMQureshiPTI) January 13, 2020
یاد رہے گذشتہ روز وزیر خارجہ شاہ محمود قریشی مشہد پہنچے تھے ، جہاں ڈپٹی گورنر جنرل خراسان نے ان کا استقبال کیا ، وزیر خارجہ نے مشہد میں امام رضاعلیہ السلام کے روضہ مبارک پر حاضری دی ، حاضری کے بعد وزیر خارجہ شاہ محمودقریشی وفد کے ہمراہ تہران روانہ ہوئے۔
مزید پڑھیں : پاکستان کسی جنگ کا حصہ نہیں بنے گا‘: شاہ محمود قریشی کی ایرانی صدر سے اہم ملاقات
بعد ازاں وزیر خارجہ شاہ محمود قریشی نے ایرانی صدر حسن روحانی سے ملاقات کی جس میں ایران امریکا کشیدگی پر تبادلہ خیال کیا گیا،
شاہ محمود قریشی نے مشرق وسطیٰ کی صورتحال پر ایرانی صدر کو پاکستانی موقف سے آگاہ کرتے ہوئے کہا تھا کہ ایران کی طرف سے آنے والے حالیہ بیانات حوصلہ افزا ہیں۔
وزیر خارجہ کا خطے میں کشیدگی کم کرنے کے لیے سفارتی ذرائع سے حل کرنے پر زور دیتے ہوئے کہنا تھا کہ پاکستان خطے میں کسی جنگ کا حصہ نہیں بنے گا، خطے میں امن کے لیے پاکستان مثبت کردار ادا کرنے کے لیے پرعزم ہے۔
ایرانی صدر حسن روحانی نے قیام امن کے لیے پاکستان کی کوششوں کو سراہتے ہوئے کہا تھا ایران خطے میں کشیدگی نہیں چاہتا۔
خیال رہے کہ وزیر خارجہ شاہ محمود قریشی وزیراعظم عمران خان کی خصوصی ہدایت پر بیرون ممالک کے دورے کررہے ہیں، ایران کے بعد اب وہ سعودی عرب روانہ ہوں گے۔
