اسلام آباد : پاکستانی دفتر خارجہ نے افغان حکومت کی کالعدم ٹی ٹی پی اور پاکستان کے درمیان ثالثی کی پیشکش مسترد کردی۔
تفصیلات کے مطابق افغان حکومت کی کالعدم ٹی ٹی پی اور پاکستان کے درمیان ثالثی کی پیشکش پر دفتر خارجہ کا ردعمل آگیا۔
ترجمان ممتاز زہرا بلوچ نے کہا کہ ایسےگروہوں جودہشت گردی میں ملوث رہےان کیساتھ مذاکرات میں دلچسپی نہیں رکھتے، ایسی پیشکش ان شہداکیساتھ زیادتی ہےجودہشت گرد گروہوں کاشکاررہے، شہدامیں متعددسویلینز اور قانون نافذ کرنیوالے و سیکیورٹی حکام بھی شامل ہیں۔
ممتاز زہرا بلوچ کا کہنا تھا کہ پاکستان کااس قسم کے کسی مذاکرات کا کوئی ارادہ نہیں ہے۔
انھوں نے بتایا کہ پاکستان ایس سی او قوانین کےمطابق اس وقت سربراہان مملکت کاسربراہ ہے، اس سلسلے میں ایک سربراہی کانفرنس اکتوبر میں ہونے جا رہی ہے۔
ترجمان کے مطابق ایس سی او ممالک میں سربراہان مملکت کو دعوت نامے بھجوائے جا چکے ہیں، امید کرتے ہیں تمام ممالک ایس سی او کانفرنس میں شریک ہوں گے۔
