The news is by your side.

Advertisement

شیریں مزاری کا دورہ بیلجیئم، کشمیر میں بھارتی مظالم پر توجہ مبذول کرائی

برسلز: وفاقی وزیربرائے انسانی حقوق شیریں مزاری نے بیلجیئم کا دورہ کیا، اس موقع پر انہوں نے کشمیر میں بھارتی مظالم پر توجہ مبذول کرائی۔

تفصیلات کے مطابق دارالحکومت برسلز میں شیریں مزاری نے چیئرمین کمیٹی برائے مذہبی آزادی سے تفصیلی ملاقات کی، اور یورپ میں بڑھتے اسلاموفوبیا اور مسلمانوں کے خلاف تعصب پر تحفظات کا اظہار کیا۔

شیریں مزاری نے پاکستان میں انسانی حقوق کے تحفظ کے فروغ کیلئے اقدامات سے آگاہ کیا، جان فیگل نے انسانی حقوق کیلئے پاکستانی حکومت کی کوششوں اور اقدامات کو سراہا۔

وفاقی وزیربرائے انسانی حقوق کا ارکان پورپی پارلیمان، یورپیئن کمیشن اور میڈیا سے خطاب کرتے ہوئے کہنا تھا کہ کشمیریوں کیلئے آواز اٹھانے پر یورپی پارلیمنٹ کی ذیلی کمیٹی کو شکریہ ادا کرتی ہوں۔

ان کا کہنا تھا کہ کشمیرمیں بھارتی ریاستی دہشت گردی پر گہری تشویش ہے، بھارتی فوج کی جانب سے ا نسانی حقوق کی پامالی کا نوٹس لیا جائے، مودی حکومت نے سیاسی اہداف کیلئے پاکستان کی امن کوشش کو سبوتاژ کیا۔

مقبوضہ کشمیرمیں انسانی حقوق کی خلاف ورزیوں پردنیا کی خاموشی افسوس ناک ہے‘ شیری مزاری

خیال رہے کہ گذشتہ سال ستمبر میں وفاقی وزیرانسانی حقوق شیری مزاری نے مقبوضہ کشمیر میں بھارتی مظالم پرردعمل دیتے ہوئے کہا تھا کہ بھارتی فورسز کی جانب سے انسانی حقوق کی خلاف ورزیوں پر دنیا کی خاموشی افسوس ناک ہے۔

انہوں نے یہ بھی کہا تھا کہ بھارت کی جانب سے مقبوضہ کشمیر میں انسانی حقوق کی خلاف ورزیوں پر دنیا کی خاموشی پرافسوس ہے۔

Comments

comments

یہ بھی پڑھیں