وفاقی دارالحکومت میں شدید دھند کے باعث فلائٹ شیڈول متاثر ہوگیا ہے، جس کے سبب مسافروں کو پریشانی کا سامنا ہے، اسلام آبادجانے والی 4 غیر ملکی پروازیں کراچی اور لاہور اتار لی گئیں۔
اے آر وائی نیوز کے مطابق دمام اسلام آبادکی پروازپی ایف 747 ری روٹ کر کے کراچی اتارلی گئی، پی آئی اے کی شارجہ اسلام آبادکی پرواز 182 کو لاہور میں لینڈ کرا دیا گیا۔
ابوظہبی اسلام آبادکی پی آئی اے پرواز 162 بھی لاہور اتارلی گئی، دبئی اسلام آباد کی پروازپی کے 134 بھی کراچی اتاری گئی اس کے علاوہ دوحہ، دبئی، جدہ بحرین ارومکی کی پروازیں اسلام آباد سے اڑان نہ بھر سکیں۔
ترجمان موٹر وے پولیس کے مطابق موٹروے ایم 1، پشاور سے اسلام آباد تک ٹریفک کیلیے بند کردیا گیا ہے جبکہ شدید دھند کے باعث سوات ایکسپریس وے کرنل شیر خان سے اسماعیلیہ تک بند ہے۔
بلوچستان میں زلزلہ ، شہری خوفزدہ
اس کے علاوہ موٹروے ایم 14، ہکلا سے یارک تک شدید دھند کے باعث بدستور بند ہے۔ جبکہ موٹروے ایم 2، کورٹ مومن سے بلکسر تک دھند میں کمی پر کھول دیا گیا ہے۔
