وفاقی وزیر اطلاعات فوادچوہدری نے کہا ہے کہ سندھ میں اشیائےخورونوش کی قیمتیں پنجاب کے مقابلے زیادہ ہیں سندھ حکومت کوانتظامی معاملات پرنظرثانی کرنےکی ضرورت ہے ان سے اشیائےخورونوش کی قیمتیں کنٹرول نہیں ہو رہی۔
اسلام آباد میں نیوزبریفنگ دیتے ہوئے فوادچوہدری نے کہا کہ بلاول مہنگائی پرجلوس نکالیں تووزیراعلیٰ ہاؤس سندھ پربھی احتجاج کریں اشیائےخورونوش کی قیمتوں پرسندھ میں عوام مشکلات کا شکار ہیں۔
فواد چوہدری نے کہا کہ کابینہ اجلاس میں اشیائےضروریہ کی قیمتوں کاخطےکےدیگرممالک کیساتھ تقابلی جائزہ پیش کیا گیا خطے کے دیگر ملکوں کی نسبت پاکستان میں اشیائےضروریہ کی قیمت کم ہے پٹرولیم مصنوعات کی قیمتیں بھی پاکستان میں خطےکےدیگرممالک کی نسبت کم ہے۔
انہوں نے کہا کہ لوگوں سےزمین لےکرہاؤسنگ سوسائٹیزبنائی گئیں اب وفاقی حکومت لینڈایکوزیشن نہیں کرسکےگی کوئی وجہ نہیں کہ لوگوں سےزمین لےکرسوسائٹی بنادی جائے وزیراعظم عمران خان نےاپناصوابدیدی فنڈخرچ نہیں کیا انہوں نے وزیراعظم پیکج ختم کر دیا ہے۔
وزیراطلاعات نے بتایا کہ کابینہ نے اداروں کو پلاٹس تقسیم کرنے پرتشویش کااظہار کیاہے ہاؤسنگ سوسائٹیز بنانے کیلئے لوگوں سے زمین لینےکاحکومت کا اختیار ختم کر دیا اور اب رہائشی پلاٹس کی منصفانہ تقسیم سے متعلق لائحہ عمل وضع کیا جائےگا حکومت کی جانب سےپراپرٹی مینجمنٹ کیلئےنئی اتھارٹی کاقیام عمل میں لایا جائے گا۔
