میامی: فٹبال اسٹیڈیم کی چھت سے لٹکی بلی نیچے آگری جس کی ویڈیو سوشل میڈیا پر وائرل ہوگئی۔
امریکا کی ریاست میامی میں فٹبال میچ کھیلا جارہا تھا اس دوران شائقین کی نظر اسٹیڈیم کی چھت پر لٹکی بلی پر پڑی، شائقین نے پرچم کو بطور لینڈنگ پیڈ استعمال کرتے ہوئے بلی کی جان بچالی۔
ویڈیو میں دیکھا جاسکتا ہے کہ اسٹیڈیم کے ایک اسٹینڈ پر بلی ایک پنجے سے لٹکتی ہوئی نظر آرہی ہے اور بعدازاں وہ نیچے آگری۔
اس موقع پر وہاں کھڑے شائقین نے پرچم میں بلی کو کیچ کرکے اس کی جان بچالی۔
just when i was starting to lose faith in humanity 🥲 pic.twitter.com/5wEcraCANV
— caro (@carolinaaley) September 12, 2021
ویڈیو میں دیکھا جاسکتا ہے کہ بلی کی جان بچانے پر اسٹیڈیم میں موجود دیگر شائقین خوشی سے جھوم اٹھے اور تالیاں بجانے لگے۔
بلی کو جس پرچم میں بچایا گیا وہ کریگ گرومر نامی شخص اور ان کی اہلیہ کمبرلی کا تھا، کرومر کا کہنا تھا کہ میں نے اور میری اہلیہ نے جب بلی لو لٹکتا دیکھا تو ریلنگ سے فوری جھنڈا اتارا اور اس کو پرچم میں کیچ کر لیا۔
Happy Sunday morning! These fans in Miami worked together to save this stray cat from falling. One group even helped break the cat’s fall with their American Flag! 🥰pic.twitter.com/tim7C5Ny8H
— Andrea Catsimatidis (@AJ_Cats_) September 12, 2021
ہارڈ راک اسٹیڈیم انتظامیہ کا کہنا ہے کہ ہمیں خوشی ہے کہ سیکشن 107 ، 110 اور 208 میں موجود شائقین نے بلی کی جان بچالی، شائقین کے اس اقدام پر ہم ان کے لیے نیک خواہشات کا اظہار کرتے ہیں۔
رپورٹ کے مطابق بلی کو ریسکیو کیے جانے بعد سیکیورٹی عملہ اسے لے گیا، بلی کو کسی قسم کی کوئی چوٹ نہیں آئی اور وہ بالکل ٹھیک ہے۔
یہ واضح نہیں ہوسکا کہ بلی اسٹیڈیم کی چھت پر کیسے پہنچ گئی تھی۔