چیئرمین پیپلزپارٹی بلاول بھٹو نے کہا ہے کہ 8 فروری کو تیر پر مہر لگا کر وفاق میں بھی حکومت بنائیں گے پہلی بار ہوگا کہ میئر، وزیراعلیٰ اور وزیراعظم جیالا ہو گا۔
کراچی میں میڈیا سے گفتگو کرتے ہوئے بلاول بھٹو نے کہا کہ کراچی سمیت پورے پاکستان کی قسمت بدل دیں گے کراچی کے عوام کیلئے کھیل کے میدان بنائیں گے ابراہیل حیدری، گذری، لیاری میں کھیل کے میدان بنائیں ہیں کراچی کے ہر ڈسڑکٹ میں کھیل کے میدان بنائیں گے یہاں نوجوانوں کیلئے ووکیشنل ٹریننگ کی سہولتیں بھی موجود ہیں۔
انہوں نے کہا کہ کراچی نے پی پی کومیئر شپ دلوائی ہے شہر کی قسمت بدلیں گے ذمہ داری لے رہا ہوں مل کر اس ملک کی قسمت بدل دیں گے، امیدواروں کیلئے نام شارٹ لسٹ ہورہے ہیں حلقہ بندیوں کے مکمل ہونے تک کسی امیدوار کا اعلان نہیں کریں گے۔
ان کا کہنا تھا کہ پیپلزپارٹی کو کسی الیکشن میں لیول پلئنگ فیلڈ نہیں ملا ہے، 2008 کے الیکشن میں بھی لیول پلئنگ فیلڈ نہیں تھا عوام نے کامیاب کیا اب لیول پلیئنگ فیلڈ ہو یا نہ ہو پیپلزپارٹی الیکشن جیت کر دکھائےگی لیول پلئنگ فیلڈ نہ ہونے کی شکایت کرنا ہی بند کر دیں۔
چیئرمین پی پی نے کہا کہ ایم کیوایم اور ن لیگ کے اتحاد کا نقصان ان ہی دونوں کوہوگا مجھے کوئی شکایت نہیں امید ہے اب کوئی الیکشن سے نہیں بھاگ سکے گا، چیف جسٹس بھی بول چکے ہیں 8 فروری کوالیکشن ہوں گے جب تک ن لیگ کا "ووٹ کو عزت دو”کا بیانیہ تھا ساتھ چل رہے تھے جب سے ن لیگ کا بیانیہ تبدیل ہوا ہے ساتھ چلنا مشکل ہورہا ہے۔
