کراچی:محکمہ موسمیات کے مطابق آج کراچی سمیت سندھ میں گرمی کی لہربرقرارہے گی لیکن کہیں کہیں بارش کا بھی امکان ہے۔
محکمہ موسمیات نے پیش گوئی کی ہے کہ آئندہ چوبیس گھنٹوں کے دوران ملک کے بیشترعلاقوں میں موسم گرم اور خشک رہے گا،لیکن میرپور خاص، سکھر، لاہور، گوجرانوالہ، ساہیوال، بہاولپور ڈویژن میں کہیں کہیں جبکہ مالاکنڈ، ہزارہ، پشاور، کوہاٹ، سرگودھا، راولپنڈی ڈویژن،اسلام آباد، بالائی فاٹا، کشمیر اور گلگت بلتستان میں چند مقامات پر گرج چمک کے ساتھ بارش کا امکان ہے۔
محمکہ موسمیات کے مطابق کراچی سمیت سندھ کے بیشترعلاقوں میں آج بھی گرمی کی لہر برقرار رہے گی۔
گزشتہ روز ریکارڈ کئے گئے گرم ترین مقامات میں سب سےزیادہ درجہ حرارت تربت میں44 ڈگری سینٹی گریڈ جبکہ کراچی، سبی، لسبیلا، چھور 43، نورپورتھل، رحیم یار خان 42، مِٹھی، شہید بینظیر آباد، کوٹ ادو، بھکر میں 41 ڈگری سینٹی گریڈ ریکارڈ کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں