کراچی : پاکستان میں ایوی ایشن شعبے کے لیے اچھی خبر آگئی، ایک اور غیرملکی ایئرلائن نے پاکستان کیلئے آپریشن شروع کرنے سے متعلق سی اے اے سے رابطہ کیا ہے۔
اس حوالے سے ذرائع کا کہنا ہے کہ نجی امریکی ایئرلائن حکام نے پاکستان کے لئے فضائی آپریشن کا آغاز کرنے میں دلچسپی کا اظہار کیا ہے۔
ذرائع کے مطابق ایئر لائن کی سی اے اے سے تھرڈ کنٹری آپریٹر لائسنس کیلئے بات چیت جاری ہے، نئی ایئرلائن کا پاکستان میں فضائی آپریشن شروع کرنے سے ملک میں زرمبادلہ میں اضافہ ہوگا۔
یاد رہے کہ اس سے قبل ملائیشین ایئر لائن باٹک ایئر اور عراقی ایئر لائن "فلائی بغداد” نھے بھی پاکستان میں اپنے آپریشنز کا آغاز کیا ہے۔
