آئی ٹی ایکسپرٹ کنول چیمہ نے کہا ہے کہ کوئی بھی غیرملکی کمپنی کسی پاکستانی کوہائرکرتی ہے تو وہ ٹیکس نہیں دیتا، فیئر ٹیکس رجیم نہیں۔
اے آر وائی نیوز کے پروگرام دی رپورٹرز میں گفتگو کرتے ہوئے آئی ٹی ایکسپرٹ کنول چیمہ کا کہنا تھا کہ ہم کہہ رہے ہیں کہ فیئر ٹیکس رجیم نہیں ہے، بیرون ملک کام کرنے والے ریموٹ ورکر کو ٹیکس نہیں دینا پڑتا، میری کمپنی یہاں ہے اور کوئی پاکستانی ہائر کرتی ہوں تو اس ورکر کو ٹیکس دینا پڑیگا۔
کنول چیمہ نے کہا کہ کوئی پاکستانی غیرملکی کمپنی میں کام کررہا ہے تو اس کو وہاں ٹیکس نہیں دینا پڑتا، ایسا پاکستانی ورکر اس کمپنی کے پاس جائیگا جہاں اس کو ٹیکس نہیں دینا پڑیگا۔
آئی ٹی ایکسپرٹ نے کہا کہ آئی ٹی ایکسپورٹ انکم 3.1 بلین ڈالر ہے جس میں 400 ملین فری لانسرز لیتے ہیں، 2.7 بلین ڈالر انکم آئی ٹی کارپوریٹ سیکٹر کے پاس آتی ہے، ریموٹ ورکر اور مقامی انڈسٹری کے ورکر کا ٹیکس ایک جیسا ہونا چاہیے۔
انھوں نے کہا کہ ای کامرس، آئی ٹی سیکٹر پر جو ٹیکس لگارہے ہیں وہ خدارا نہ لگائیں، کپڑوں کی طرح پالیسیاں تبدیل کرنا شروع کردینگے تو امیج نہیں بنےگی۔
کنول چیمہ نے کہا کہ آئی ٹی سیکٹر میں ہم عالمی سطح پر امیج بناتے ہیں پالیسی تبدیل ہونے سے نقصان ہوتا ہے، ہم نے اپنے پلیٹ فارمزچلانے کیلئے ڈالرز میں پیمنٹ کرنا ہوتی ہیں، ہمیں ہمارے ڈالرز بیرون ملک پیمنٹ میں استعمال کرنے دیں۔
ہمارے ڈالرز بیرون ملک پیمنٹ کیلئے استعمال نہیں کرنے دینگے تو ہم باہر ہی رکھیں گے، بدقسمتی سے پارلیمنٹیرینز آئی ٹی سیکٹر سے متعلق زیادہ نہیں جانتے۔
انکا مزید کہنا تھا کہ آئی ٹی سیکٹر کی طرف پوری دنیا جارہی ہے اور ہمارے ملک میں زیادہ توجہ نہیں، آئی ٹی سیکٹر اچھا پرفارم کررہا ہے اور اسی پر ہی بےجا ٹیکسز لگائے جارہے ہیں۔
پاکستانیوں کو اسٹار لنک کب ملے گا؟ وزیر آئی ٹی نے خوشخبری سنا دی
