اسلام آباد : وفاقی دارلحکومت کی شاہراہ دستور پرحادثےکامقدمہ غیر ملکی سفارتکار کےخلاف درج کرلیا گیا۔
تفصیلات کے مطابق اسلام آباد کی شاہراہ دستور پر حادثے پر غیر ملکی سفارتکار کے خلاف مقدمہ درج کرلیا گیا، مقدمہ تھانہ سیکرٹریٹ میں ٹریفک پولیس اہلکار کی مدعیت میں درج ہوا۔
مقدمے میں کہا گیا کہ تیز رفتار کار نے موٹر سائیکل کو زور سے ٹکر ماری ، کار کی ٹکر سےموٹر سائیکل پر سوار اہلکار امیر داد زخمی ہوا، کار سوار خاتون غیرملکی سفارتخانے میں تھرڈ سیکرٹری ہے۔
یاد رہے گذشتہ روز اسلام آباد میں غیرملکی سفارتخانے کی خاتون اہلکار نے پولیس کانسٹیبل پر گاڑی چڑھا دی تھی ، حادثہ اسلام آباد کی شاہراہ دستور پر پیش آیا، جہاں غیرملکی سفارتخانے کی خاتون اہلکار نے سگنل توڑ کر گاڑی کانسٹیبل عامر کاکڑ پر چڑھائی ، جس کے نتیجے میں وہ شدید زخمی ہوگیا تھا۔
بعد ازاں برطانوی ہائی کمیشن نے وضاحتی بیان میں کہا تھا کہ ایک اسٹاف ممبر کی گاڑی آج ٹریفک حادثے میں ملوث تھی، اسٹاف ممبرنےتمام ضوابط پرعمل کیا، معاملے پر مقامی انتظامیہ سے تعاون کر رہے ہیں۔
