The news is by your side.

Advertisement

ایل اوسی کا دورہ ، غیر ملکی سفارتکاروں کا بہترین انتظامات پر ڈی جی آئی ایس پی آر کا شکریہ

اسلام آباد : غیر ملکی سفارتکاروں نے کنٹرول آف لائن کے دورے پر بہترین انتظامات پر ڈی جی آئی ایس پی آر سے تشکر کا اظہار کیا اور ٹوئٹس کے ذریعے ایل اوسی کے دورے کو اجاگر کرتے ہوئے کہا کہ بھارت کسی کو ایل او سی کے اصل حقائق جاننے کا موقع ہی نہیں دیتا لیکن پاکستان نے ہمیشہ سفارتکاروں اور فوجی مبصرین کو رسائی و سہولت دی۔

تفصیلات کے مطابق غیرملکی سفارتکاروں نے بھارت کو آئینہ دکھا دیا، سفارتکاروں نے ٹوئٹس کے ذریعے آئی اسی پی آر کا شکریہ ادا کیا اور انتظامات کی تعریف کی۔

یورپی یونین کے سفیر نے ٹوئٹر پر خوبصورت فضائی مناظر اور دورے کی تصاویر شیئر کرتے ہوئے کہا کہ ایل اوسی تنازع سے متاثر کچھ افراد سے بات کی، دورے میں کشمیر کی خوبصورتی دیکھنے کا موقع ملا۔

آذربائیجان کے سفیر نے واپسی پرخیروعافیت اورمحفوظ واپسی کا ٹوئٹ کرتے ہوئے کہا بھارت کاایل او سی کی محفوظ رسائی نہ دینےکامعاملہ تازہ ہوگیا، بھارت اصل حقائق جاننےکاموقع نہیں دیتا تاہم پاکستان ہمیشہ سفارتکاروں،فوجی مبصرین کورسائی وسہولت فراہم کرتاہے، سفارتکاروں نےاپنی مرضی سےجس سےچاہابات کی۔

برطانوی ڈیفنس ونگ کے سفارتکار نے ایل اوسی پرتعلیم کی سہولیات کی مکمل فراہمی کا مشاہدہ کیا اورکتابوں کی دکان پروقت گزارا۔

آسٹریلوی ہائی کمشنر نے بھی بازارمیں دکانداروں کےساتھ تصاویر بنوائیں جبکہ غیرملکی سفارتکار جورا بازار اور رہائشی علاقے میں آزادانہ گھومتے پھرتے رہے اورمعلومات لیتے رہے۔

ترکی ودیگر ممالک کے سفراء نے بھی ایل اوسی کے دورے کی تصاویرٹوئٹ کیں، سفارتکاروں نے بھارت کی سیزفائرخلاف ورزیوں کے زمینی حقائق کا مشاہدہ کیا۔

Comments

یہ بھی پڑھیں