غیر ملکی فنڈنگ کیس: تحریک انصاف نے جواب جمع کروا دیا -
The news is by your side.

Advertisement

غیر ملکی فنڈنگ کیس: تحریک انصاف نے جواب جمع کروا دیا

اسلام آباد: پاکستان تحریک انصاف نے حنیف عباسی کے ممنوعہ و غیر ملکی فنڈنگ کے الزامات مسترد کر دیے۔ تحریک انصاف نے بیرون ملک سے فنڈ ریزنگ کی تفصیلات سپریم کورٹ میں جمع کروا دیں۔

تفصیلات کے مطابق غیر ملکی فنڈنگ سے متعلق تحریک انصاف نے حنیف عباسی کی درخواست کا جواب جمع کروا دیا۔ بیرون ملک سے فنڈ ریزنگ کی تفصیلات بھی سپریم کورٹ میں جمع کروا دیں۔

تحریک انصاف کے جواب میں کہا گیا ہے کہ بیرون ملک مقیم دہری شہریت رکھنے والوں سے فنڈز اکٹھے کیے گئے۔ فارن ایجنٹ کمپنی کو ذرائع سے ملنے والے فنڈ ممنوع یا غیر ملکی نہیں ہیں۔

تحریک انصاف نے جواب میں کہا کہ ن لیگ اور پیپلز پارٹی نے بھی بیرون ملک فنڈ ریزنگ کی۔ دونوں جماعتوں نے اس کی تفصیلات فراہم نہیں کیں۔

جواب میں کہا گیا ہے کہ تحریک انصاف کے ساتھ امتیازی سلوک ہو رہا ہے۔ تحریک انصاف عدالت کو بیرون ملک فنڈ ریزنگ کی تفصیلات فراہم کرچکی ہے۔


Comments

comments

یہ بھی پڑھیں