اسلام آباد: وزیر خارجہ بلاول بھٹو زرداری جرمن ہم منصب اینالینا بیئربوک سے ملاقات کے بعد گھر میں آئسولیٹ ہوگئے ہیں۔
ذرائع کے مطابق وزیر خارجہ نے اینالینا بیئربوک کا کورونا مثبت آنے کے بعد خود کو آئسولیٹ کیا۔ بلاول بھٹو قرنطینہ کے دوران گھر سے سرکاری و سیاسی امور سر انجام دیں گے، وہ کورونا کی تشخیص کے لیے اپنا ٹیسٹ کروائیں گے۔
قبل ازیں وزیر خارجہ نے سماجی رابطے کی ویب سائٹ ٹوئٹر پر اپنے پیغام میں کہا کہ جرمن وزیر خارجہ انالینا بیئربوک کی پاکستان میں میزبانی کر کے خوشی ہوئی، ان سے قابل تجدید توانائی، تجارت اور باہمی دلچسپی کے امور پر گفتگو ہوئی۔
پاکستان کے دورے پر موجود جرمن وزیرخارجہ کا کورونا ٹیسٹ مثبت آگیا
بلاول بھٹو نے کہا کہ جرمن وزیر خارجہ سے یوکرین تنازع، افغان بحران اور کشمیر میں انسانی حقوق خلاف ورزیوں پر گفتگو ہوئی، پاکستان اور جرمنی کے تعلقات میں مضبوطی کے لیے ایک ساتھ مل کر کام کریں گے۔
Pleasure to host @ABaerbock in 🇵🇰. We discussed issues of mutual importance including renewable energy, trade & investments, conflict in #Ukraine, crisis in #Afghanistan & worsening HRVs in #IIOJK. Looking forward to working together to strengthen #PakGerman relations. 🇵🇰 🤝 🇩🇪 pic.twitter.com/vnGq8msUqZ
— BilawalBhuttoZardari (@BBhuttoZardari) June 7, 2022
خیال رہے کہ اینالینا بیئربوک پاکستان کے دو ورزہ دورے پر موجود ہیں۔ اانہوں نے آج صبح وزیر خارجہ بلاول بھٹو سے تفصیلی ملاقات کی تھی۔
ترجمان جرمن وزارت خارجہ نے اینالینا بیئربوک کے کورونا مبتلا ہونے کی تصدیق کرتے ہوئے کہا کہ انہوں نے پاکستان میں مصروفیات منسوخ کر دی ہیں۔
